Sad shayari in urdu for love whatsapp status

Spread the love

Sad shayari in urdu for love whatsapp status

جو غم میں جلتے رہے عمر بھر دیا بن کر
بجھا گئی ہے انہیں موت اب ہوا بن کر

وہ خامشی جو تری بزم نے ہمیں بخشی
خلائے ذہن میں گونجی ہے اک صدا بن کر

جو تو نے مجھ کو غم لا زوال بخشا تھا
وہ زندگی میں رہا میرا رہنما بن کر

Sad shayari in urdu for love whatsapp status

وہ جن کے لمس سے تو کھل کے پھول بنتا تھا
وہ اب بھٹکتے ہیں در پر ترے صبا بن کر

جب ان کی بزم سے لوٹے تو خود کو پہچانا
وہاں سے آئے ہم آزادؔ کیا سے کیا بن کر

Sad shayari in urdu for love whatsapp status

ڈوب کر خود میں کبھی یوں بے کراں ہو جاؤں گا
ایک دن میں بھی زمیں پر آسماں ہو جاؤں گا

ریزہ ریزہ ڈھلتا جاتا ہوں میں حرف و صوت میں
رفتہ رفتہ اک نہ اک دن میں بیاں ہو جاؤں گا

تم بلاؤ گے تو آئے گی صدائے بازگشت
وہ بھی دن آئے گا جب سونا مکاں ہو جاؤں گا

تم ہٹا لو اپنے احسانات کی پرچھائیاں
مجھ کو جینا ہے تو اپنا سائباں ہو جاؤں گا

یہ سلگتا جسم ڈھل جائے گا جب برفاب میں
میں بدلتے موسموں کی داستاں ہو جاؤں گا

منتظر صدیوں سے ہوں آزادؔ اس لمحے کا جب
روز روشن کی طرح خود پر عیاں ہو جاؤں گا

https://shayari-urdu-hindi.com/best-2-line-poetry-in-hindi-urdu-shayari-urdu-hindi/

ہر اک شکست کو اے کاش اس طرح میں سہوں
فزوں ہو اور بھی دل میں تری طلب کا فسوں

تمہارے جسم کی جنت تو مل گئی ہے مگر
میں اپنی روح کی دوزخ کا کیا علاج کروں

ہنسا ہوں آج تو مجبور تھا کہ تیرے حضور
مجھے یہ ڈر تھا اگر چپ رہا تو رو نہ پڑوں

تمام عمر نہ بھٹکے کہیں تو میری طرح
ہوں کشمکش میں جو کہنا ہے وہ کہوں نہ کہوں

نہ اب پکار مجھے مدتوں کی دوری سے
ترے قریب نہیں ہوں کہ تیری بات سنوں

تری تلاش کو نکلوں گا اس سے پہلے مگر
میں تیری یاد کے صحرا میں خود کو ڈھونڈ تو لوں

وہ دیکھ لے تو نہ روئے بنا رہے آزادؔ
میں سوچتا ہوں کہ اک بار خود پہ یوں بھی ہنسوں