Poetry urdu ghazals best sad love 2 line poetry photo

Spread the love

Poetry urdu ghazals best sad love 2 line poetry photo

یہ کیا کہ تجھے بھی ہے زمانے سے شکایت
یہ کیا کہ تری آنکھ بھی پر نم ہے مری جاں

حبیب جالب

اس ضد پہ تیرا ظلم گوارا کیا ہم نے
دیکھیں کہ تجھے رحم کہاں تک نہیں آتا

رام ریاض

بسی ہے سوکھے گلابوں کی بات سانسوں میں
کوئی خیال کسی یاد کے حصار میں ہے

خالدہ عظمیٰ

مرے دل کے اکیلے گھر میں راحت
اداسی جانے کب سے رہ رہی ہے
حمیرا راحت

https://shayari-urdu-hindi.com/urdu-poetry-photo-best-2line-love-sad-poetry-in-urdu/

https://cacke-recipe.com/carrot-walnut-cake-how-to-make-easy-carrot-walnut-cake

Best ghazals best sad love 2 line poetry photo

بس ایک بار کسی نے گلے لگایا تھا
پھر اس کے بعد نہ میں تھا نہ میرا سایا تھا

گلی میں لوگ بھی تھے میرے اس کے دشمن لوگ
وہ سب پہ ہنستا ہوا میرے دل میں آیا تھا

اس ایک دشت میں سو شہر ہو گئے آباد
جہاں کسی نے کبھی کارواں لٹایا تھا

وہ مجھ سے اپنا پتا پوچھنے کو آ نکلے
کہ جن سے میں نے خود اپنا سراغ پایا تھا

مرے وجود سے گلزار ہو کے نکلی ہے
وہ آگ جس نے ترا پیرہن جلایا تھا

مجھی کو طعنۂ غارت گری نہ دے پیارے
یہ نقش میں نے ترے ہاتھ سے مٹایا تھا

اسی نے روپ بدل کر جگا دیا آخر
جو زہر مجھ پہ کبھی نیند بن کے چھایا تھا

ظفرؔ کی خاک میں ہے کس کی حسرت تعمیر
خیال و خواب میں کس نے یہ گھر بنایا تھا
ظفر اقبال

سنا ہے خواب مکمل کبھی نہیں ہوتے
سنا ہے عشق خطا ہے سو کر کے دیکھتے ہیں

حمیرا راحت

مجبوریوں کے نام پہ سب چھوڑنا پڑا
دل توڑنا کٹھن تھا مگر توڑنا پڑا

میری پسند اور تھی سب کی پسند اور
اتنی ذرا سی بات پہ گھر چھوڑنا پڑا

انجم رہبر

Poetry urdu ghazals best sad love 2 line poetry photo

غم کی الجھی ہوئی لکیروں میں
اپنی تقدیر دیکھ لیتی ہوں

آئنہ دیکھنا تو بھول گئی
تیری تصویر دیکھ لیتی ہوں

انجم رہبر

urdu ghazals best sad love 2 line poetry photo

محبت میں شکایت کر رہا ہوں
شکایت میں محبت کر رہا ہوں

سنا ہے عادتیں مرتی نہیں ہیں
سو خود کو ایک عادت کر رہا ہوں

وہ یوں بھی خوب صورت ہے مگر میں
اسے اور خوب صورت کر رہا ہوں

اداسی سے بھری آنکھیں ہیں اس کی
میں صدیوں سے زیارت کر رہا ہوں

کسے معلوم کب آئے قیامت
سو ہر دن اک قیامت کر رہا ہوں

ضرورت ہی نہیں میری کسی کو
سو خود کو اپنی چاہت کر رہا ہوں

Leave a Reply

Your email address will not be published. Required fields are marked *